Biblioteca IES de Mos

NADAL EN GALEGO

2011-11-14T12:08:00.002Z

Xa chegou de novo o concurso de felicitacións dixitais de Nadal en galego convocada pola Secretaría Xeral de Política Lingüística.

O obxectivo da iniciativa é que as propostas fagan referencia a un tema vinculado con estas datas, para felicitar o Aninovo, o Día de Reis ou as festas de Nadal en xeral. Os traballos máis enxeñosos e cun deseño máis orixinal serán seleccionados para formar parte dunha galería de presentacións que estará dispoñible no espazo web da secretaría xeral. Ademais, outorgaranse tres premios consistentes nun lote de produtos de lecer en galego para cada un dos gañadores ou gañadoras.

Participación:

* Ata o 9 de decembro de 2011.
* Enviando as presentacións aos enderezos electrónicos:

secretaria.xeral.politica.linguistica.web@xunta.es ou sxpl.secretaria@xunta.es

BASES DO CONCURSO

As aventuras de Sherlock Homes

2011-11-09T11:11:00.007Z

Esta foi a obra de inauguración do club de lectura HdL no curso 2011-2012. Foi todo un éxito a súa escolla, xa que o xénero policíaco e a doses de intriga da obra captaron a súa atención a nimando á lectura dende o primeiro momento.

Valoracións dos/as lectores/as:

Paréceme que Sherlock ten unha impresionante capacidade de dedución e observación.

Paréceme que Sherlock Homes é incrible o poder de dedución a pesar dos efectos das drogas.

A min paréceme incrible a súa capacidade de dedución e observación.

2011-05-24T19:20:00.000+01:00

2011-05-18T18:49:00.001+01:00

Imaxes da biblioteca

2011-05-18T18:11:00.001+01:00

Oalumnado de Diversificación traballa na biblioteca.

2011-05-18T17:45:00.001+01:00

Sello para os libros do club de lectura LeMos

2011-05-18T17:40:00.000+01:00

2011-05-18T17:24:00.001+01:00

Novos Encontro de LeMos

2010-06-17T09:35:00.004+01:00

Como se non existise
Slavenka Drakulic, Xerais.

Novela escollida polo club LeMos para o mes de marzo- abril.
Esta obra dura e terriblemente humana, foi a que nesta tarde nos xuntou aos membros do club para conversar sobre un tema tan desacougante e estremecedor como é unha guerra. Unha guerra que sempre pensas que non che vai tocar a ti. Todo pode suceder, a ti tamén che pode tocar, que podes facer ante esta terrorífica situación? deixar de existir?.
A literatura e o cine son as mellores canles para transmitir estes horrores, e iso foi o que debullamos ao longo desta charla do mes de abril.

A Mennulara

FORZA, CORAXE, TRABALLO, HONRA E LEALDADE. Todos estes substantivos son os que pon Rosalía … na súa vida para poder sobrevivir nunha socidade marcada polo machismo e, sobre todo, a mafia.
As suposicións interesadas e opinións desacreditadas sobre unha muller condenada á súa condición de inferioridade social e mesmo estimativa, van construíndo cambiantes imaxes que desorientan ao lector.
Un enterro, un funeral, son as disculpa para que os habitantes do pobo, rememoren a difunta. Dende unha arañeira de opinións imos construíndo e descubrindo aos poucos a verdadeira Mennulara. A cosnideración dos feitos sempre resulta relativa e a verdade da personaxe reside nela e nos lectores, que acabamos coñecendo motivos e esencias da protagonista morta.

IX CARREIRA DA ROSA

2010-06-17T09:26:00.003+01:00

A partir das 10 da mañá,

con saída e chegada no

Instituto.

Voltamos coa edición Nove.

Logotipo da hora de ler

2010-05-20T12:20:00.003+01:00

HdL, Club de Lectura

2010-02-01T11:38:00.005Z

Xurdiu, e xa vai en funcionamento. HdL está pensado e dirixido ao alumnado do IES de Mos. A esa rapazada que ás veces perde o seu tempo cos libros e coas cousas e feitos que eles contan. Desenvolverase durante a Hora de Ler na biblioteca, unha lectura común para logo compartir experiencias e actividades que amplien impresións.

O libro primeiro será A praga escarlata de Jack London, unha aventura situada no futuro, protagonizada por supervivintes da exterminadora praga escarlata e con xeitos de vida totalmente primitivos.

Os compoñentes do club HdL son:

Moukhcissi, AYMAN 1ºC
Colman Rucco, ALDANA SABRINA 2ºA
Varela Miranda, EVA 2ºA
Iglesias Pérez, DANIEL 2ºA
Blanco Míguez, EDUARDO 2ºB
Pazó Ferreira, VÍCTOR 2ºC
Tobar Buján, JOSÉ ANTONIO 2ºC
Cruz Seijo, ELOY 2ºC
Rodríguez Quintela, SERGIO 2ºE
Pereira Ramilo, ANTONIO 2ºE

Benvidos a esta aventura de ler, de descubrir , de pescudar, de dar e recibir...e agardamos que outros mundos soñados e realidades enriquezan o voso mundo real e imaxinario.

Sen máis

Até a próxima sesión.

LeMos 09: Sesión II

2009-11-20T10:12:00.006Z

O mércores 18 de Novembro o Club de Lectura LeMos, como cada mes, reuniuse na Biblioteca do IES de Mos, para compartir unhas horas vespertinas e poñer en común as impresións sobre a lectura de A praia dos afogados.Transcorreu o noso tempo achegando impresións varias , acontecementos, espazos recoñecibles e recoñecidos, música e protagonistas.

As conclusións finais resúmense nunha pregunta: Estamos ante unha posible película?, pois a todos nos pareceu que a obra presenta máis as características de guión de cine que de novela.

O autor non puido asistir, mais ofreceu o roteiro a percorrer dos escenarios da novela, ou ben a asistencia á presentación do libro en Nigrán o día 24 de Novembro.

A lectura escollida para a vindeira xuntanza, o 16 de Decembro, foi A revolta dos Animais de George Orwell.

MAGOST09

2009-11-10T10:49:00.003Z

Chegou novembro e trouxo recendo da castaña asada, a convocatoria de magostos...Coma vén sendo costume, o IES de MOS, poñerá as castañas no lume e con elas celebrará unha xornada de traballo diferente e actividade distinta. Picadores, asadores, cucurucheiros, servidores, limpadores...que vaian botando man dos aparellos necesarios porque o venres 20, aí estaremos agardando que entre todos o Magosto poida ser de novo unha realidade para non esquecer no calendario histórico do Instituto.

O tiro da corda, mazá no caldeiro, trompos, fotografía, pintura...darán a oportunidade de sorrir un chisco e esmerarnos na actividade que máis nos praza. Ollo entón cos taboleiros porque eles darán novas do que vaia acontecendo con esta convocatoria de Magost09.

Na foto, alumnado do IES de Mos preparando as ferramentas do farrusco.

BIBLIOGRAFÍA PARA LER

2009-11-04T09:03:00.005Z

Ata o día de hoxe estiveron expostos diferentes libros relacionados coa teima de ler. Para botar man deles como axuda ao noso Proxecto Lector. A listaxe de títulos queda aquí escrita para o que poida servir:

*ATXAGA, Bernardo: Lista de locos y otros alfabetos. Ed. Siruela.
*ARIZALETA, Luís: La lectura ¿Aficción o hábito?Ed. Anaya.
*BARÓ, Mónica et alii: Bibliotecas escolares, ¿para qué? Ed. Anaya.
*BERMEJO, Mercedes: Bibliotecas galegas. Xunta de Galicia.
*CASSANY, Daniel: Taller de textos. Ed. Paidós
*CASCALLAR, Consuelo: A aventura de ler xuntos. Xunta de Galicia.
*COBAS BRENLLA; Xulio: Historia da Literatura infantil e xuvenil.
*CHAMBERS, Aidan: Dime. Fondo de cultura económica.
*CHAMBERS, Aidan: Lecturas. Fondo de cultura económica.
*DOMÍNGUEZ, María : ¡La lectura sí que es un regalo! Ed. Formación Alcalá.
*FERNÁNDEZ, David: Antología de Lecturas, Ed. Almadraba
*FERNÁNDEZ PAZ, Agustín: A literatura infantil e xuvenil en galego. Xerais.
*LÓPEZ, Eva: Lecturas compartidas. Xunta de Galicia.
*MONLLOR, Cecilia /JUBLÍN, Martine: Experiencias de animación á lectura. Andel.
*NICOLÁS, Ramón: Papeis de Literatura. Ed. Xerais.
*PENNAC, Daniel: Como unha novela. Ed. Xerais.
*RODARI, Gianni: Gramática da fantasía.Ed. Kalandraka
*SEOANE, Xavier: Atravesar o espello. Ed. Xerais
*VÁZQUEZ FREIRE, Miguel: Ilustradores galegos para nenos. Xunta deGalicia.
*VVAA: Palabras por la lectura. Junta de Castilla La Mancha.rvir

O samaín09

2009-11-03T10:11:00.003Z

O medo, o misterio, o terror e as fantasmas, baixaron dos andeis por celebrar o seu Samaín.

E non só eles estiveron presentes, as cabazas abriron os ollos e dende a súa grande boca invitáronnos a apagar as luces e acender velas.

No ambiente respirouse algo máxico, que envolveu e transladou a biblioteca a outra dimensión...Páxinas e páxinas de contos, historias e demais cousas de ler protagonizaron o Samaín09.

PLAN LECTOR

2009-10-30T08:48:00.003Z

HORA DE LER

Xa está en marcha o Proxecto Lector do Centro. O Calendario Lector vai anunciando os días adicados á "Hora de Ler". Dende o 19 de Outubro, contamos no noso horario cunha hora semanal de lectura na aula. De xeito individual, en silencio, cadaquén le o seu libro, prestado, pedido, comprado, regalado...

Iremos informando do proceso, colleita e resposta deste Proxecto. E se algo queredes engadir ao respecto (críticas, suxestións, ideas...) toda proposta será ben recibida e agradecida.

Na foto recóllese o calendario lector sinalando os días e horas adicadas á lectura

COGUMELOS NA BIBLIOTECA

2009-10-29T09:29:00.004Z

Exposición

Cogumelos

Biblioteca.

Outro ano máis o Concello de Mos, cedeu a recolleita de cogumelos feita nas xornadas micolóxicas. A nosa biblioteca puido disfrutar da riqueza natural que o outono aporta aos nos montes, así como do recoñecemento e clasificación de cada un dos cogumelos do que se encargou Puri Lorenzo.Aquí queda o agradecemento a todos os que tal labor desenvolven.

Club LeMos

2009-10-27T10:25:00.003Z

O Club de Lectura LeMos, continúa a súa andaina: no ano III de vida, decidimos reunirnos en primeira convocatoria para propoñer, comentar, lembrar...
Acordamos ler a obra de Domingo Villar, "A praia dos afogados". E convocámonos para o vindeiro 18 de Novembro por dicir o que a libro nos deparou.
Na biblioteca do Ies estaremos falando, e compartindo un anaco de tempo común arredor dun libro, ao mellor do autor e a outras cousas engadidas que poidan xurdir.
Agrademos tamén posibles opinións que sumar e así ampliar campos e visións da lectura.

Club de lectura

2008-02-20T11:25:00.003Z

Hoxe, 20 de febreiro, reúnense os membros do club de lectura LEMOS. Imos contar coa presenza do traductor da obra O neno do pixama a raias, o último éxito de vendas a nivel internacional.

TOMATES VERDES FRITOS

2007-11-30T07:43:00.000Z

TOMATES VERDES FRITOS

Título orixinal:
Fried Green Tomatoes
Ano:
1991
Duración:
126 min.
Nacionalidade:
EE.UU.
Xénero:
Drama
COLOR
Sinopse:
Evelyn, unha muller de mediana idade que vive frustrada poola súa gordura e a incomprensión do seu home, coñece a Ninny, unha anciá que vive nun asilo. Esta cóntalle unha historia ocurrida na vila de Alabama. É o relato da gran amizade que unía a dúas mulleres, o amor, a solidariedade, a amizade con persoas negras e o misterioso asasinato do home dunha delas.

hoxe

2007-11-28T09:02:00.000Z

Bos días damos dende a nosa biblioteca a blogheiros e blogheiras neste día de ceo enfarruscado!!!.
E sabedes que? Ana, a administrativa do Centro, deulle por ler Made in Galicia, e hoxe devolveu o libro convencida de que a partir da lectura, de agora, fai a promesa de falar en galego, gustou do libro e serviu de reflexión en moitos aspectos e actitudes lingüísticas. Se aínda non tivestes o pracer de botarlle unha lectura, pois de certo que algo estaredes perdendo, ou algo estaredes deixando de gañar.
Que no voso día pasen moitas follas de libros!!!

Lecturas

2007-11-16T11:32:00.000Z

Temos un CLUB DE LECTURA no IES así que só precisamos xente que queira ler e compartir as sensacións derivadas desa lectura, únete a nós e poderemos vivir mil historias diferentes e novos mundos que descubriremos xuntos/as.
Chamámonos LeMos e queremos literaturizar contigo.
A obra sobre a que falaremos na primeira semana de xaneiro é O club da calceta de María Reimóndez e será moi posible que nos acompañe a propia escritora.

Magosto

2007-11-16T11:29:00.000Z

O 26 de novembro celébrase o magosto no noso insti. Máis vale tarde ca nunca¡¡¡¡¡¡¡¡¡ estades todos/as invitados/as. Mesmo podedes dar ideas para compartir e facelo máis divertido. Tedes que traer sobre todo GANAS DE PASALO BEN¡¡¡¡¡¡¡¡

Plans

2007-11-12T14:22:00.000Z

A biblioteca do IES de Mos está a elaborar o plan lector e o plan sociolingüístico. De terdes algo que aportar comunicádenolo.